Tómek Sochacki:   35 roków zespołu Małokóńczanie 

Dzisio je pyndziałek, godziny uż szóstóm wybiły,
Gazdowie poodbywali, gaździnki se w chałupie porobiły,
Tóż na zómek w Małych Kóńczyc wartko przijechali,
Jak szli na wyrch do salki, nowóm pieśniczke śpiywali.

Trzicet piynć roków tymu Marysia Grim jich tukej pozwała,
A organiste Staszka Kanie pieknie popytała,
Coby jich uczył śpiywać szumne pieśniczki po naszymu,
Wałaszki, suknie, bótki a jakle kozała poszyć każdymu.

Uczyli sie nowych pieśniczek, babów a chłopów przibywało,
Zaczli po kónkursach jeździć, fajnie sie jim pospołu śpiywało
Na półce pore dyplómów a nagród kapke uż stoło,
Tóż tym tuplym Małokóńczanie se śpiywali wiesioło.

Śpiywali na próbach, ale aji dóma jak fazole łuskali,
Kiej kapuste deptali, a jak w radiju piyrzi szkubali,
Pozywali jich do szkoły, na festyny, na rostomajte świynta,
Długo jich cieszyński pieśniczki bydóm tam pamiyntać.

Jak dwacet roków tymu Ule Wierzgóń na kierowniczke wybrali,
To potym sie dziepro Małokóńczanio na całóm Polske rozjechali,
Na półce dyplómów, pucharów a nagród uż żodyn nie rachuje,
A Ulka nowe pieśniczki fórt ze starych śpiywników spisuje.

Je też poru, kierzi pospołu s Małokóńczanami śpiywali,
Ale tego jubileuszu dzisio uż sie nie doczkali,
Terazy sie isto s nieba tu na nas wszyscy dziwajóm,
A szumnie Pón Bóczkowi tam na wyrchu śpiywajóm.

Eszcze kupa przed Wami, rajzy, kónkursy śpiywanio,
Godnie eszcze je pieśniczek starucnych do wychledanio,
Życzymy Wóm zdrowio, bo jak óno bydzie,
To wszystko inksze samo s czasym kiejsi przidzie.

Na tyn jubileusz, niech Wóm Pón Bóczek błogosławi,
A kierowniczka pół litra dobrej warzónki postawi,
Śpiywejcie eszcze długi roki Małokóńczanie rostomili,
Cobyście szumnym śpiywym wszystkich dokoła cieszyli.

Małokóńczanie, kierych uż ni ma miyndzy nami:
Stasiek Machej,
Stasiek Kania,
Poldek Keller,
Hania Brachaczkula,
Grażyna Malyrka,
Emil Madecki.
Stasiek Pachuta,
Zofija Czyżino,
Helynka Kowalsko, 

Małokóńczanie, kierzi fórt śpiywajóm, abo kiejsi śpiywali:
Irka Golasowsko,
Czesiek Golasowski,
Marysia Machejka,
Teoś Machej,
Halina Kellerka,
Andzia Pynkalka,
Janka Wynglorka,
Stasiek Brożyna,
Ela Ganczarka,
Helyna Gałuszkula,
Wanda Białkula,
Marysia Brożynka,
Janka Chmiylka,
Wanda Kajsturka,
Jadzia Kolóndrzino,
Zygmunt Kolóndra,
Wanda Kulino,
Rudek Kula,
Zofija Matuszkula,
Irek Miłóń,
Kasia Malinowsko,
Mónika Holiszka,
Agnieszka Moczałka,
Justyna Płaczkowa,
Dorota Żertkowa,
Tómek Sochacki,
Aneta Kubicula,
Janka Orlino,
Aniela Stokłosino,
Grażyna Palino,
Zdzisiek Pala,
Róża Szlauerka,
Pieter Wojacki,
Urszula Wiyrzgóńka,
Adam Oczadły,
Wiesia Wołoszynka–Oczadlino,